पुण्यश्लोक राजमाता देवी अहिल्याबाई होळकर यांच्या ३०० व्या जयंती निम्मिताने रविवार दिनांक २५/०५/२०२५ रोजी महादेव मंदिर पिंपळे सौदागर येथे महाआरती व नदी घाट स्वच्छता अभियान राबविण्यात आले. राजमाता अहिल्याबाईंनी भारतभर अनेक मंदिरांचे बांधकाम केले,विशेषतः शिवमंदिरे बांधली. त्या अनेक देवळांच्या आश्रयदात्या होत्या,त्यांच्या या कार्याचा आदर्श घेऊन व त्यांची जयंती मोठ्या उत्साहात पार पाडण्यासाठी सामूहिक महाआरतीचे आयोजन करण्यात आले होते.

ऑपरेशन सिंदूर मधील सर्व वीर जवानांच्या सन्मानार्थ, समस्त पिंपरी चिंचवडकरांच्या वतीने भव्य तिरंगा यात्रा आयोजित करण्यात आली. भारतीय सशस्त्र दलातील वीर जवानांच्या पराक्रमाचा आणि शौर्याचा गौरव करण्यासाठी नागरिकांनी उत्स्फूर्तपणे सहभाग घेतला. ही यात्रा एकतेचा, देशभक्तीचा आणि कृतज्ञतेचा भव्य उत्सव ठरली. प्रत्येक पाऊल हे आपल्या वीर जवानांप्रती आदरभावना व्यक्त करणारे ठरले.

कार्यसम्राट आमदार.श्री.शंकर भाऊ जगताप यांच्या शुभहस्ते रामनगर कॉलनी व गारमाळा कॉलनी येथील रस्त्यांचे काँक्रीटीकरण करण्याच्या कामाचे भूमिपूजन पार पडले.

आपल्या चिंचवड विधानसभा मतदारसंघातील नागरिकांच्या अडीअडचणी, प्रश्न जाणून घेऊन त्यावर तत्काळ उपाययोजना करता याव्यात, या उद्देशाने रहाटणी परिसरातील थोपटे लॉन्स येथे ‘आमदार आपल्या दारी’ हा उपक्रम आयोजित करण्यात आला होता. ज्याला नागरिकांचा उत्स्फूर्त प्रतिसाद मिळाला. याप्रसंगी नागरिकांनी त्यांच्या समस्या मांडल्या, ज्यामध्ये रस्ते, पाणीपुरवठा, वीज, स्वच्छता आणि इतर स्थानिक समस्यांचा समावेश होता. स्थानिक नागरिकांनी उपस्थित केलेल्या या सर्व समस्या गांभीर्याने ऐकून घेत, सदर समस्यांचे निराकरण करण्यासाठी संबंधित अधिकाऱ्यांना तातडीने निर्देश दिले.

मंगळवार दि. २२/०४/२०२५ रोजी पहलगाम काश्मीर येथे धर्म विचारून निष्पाप निशस्त्र पर्यटकांवर हल्ला करून त्यांची हत्या करणाऱ्या नराधमांचा भारतीय जनता पार्टी, पिंपरी चिंचवड शहर (जिल्हा ) यांच्या मार्फत मोरवाडी येथील पक्ष कार्यालय याठिकाणी जाहीर निषेध करण्यात आला. यावेळी शहर भाजप कार्यालय सर्व पदाधिकारी उपस्थित होते.

पिंपरी-चिंचवड, दिनांक 26 जानेवारी 2025: भारतीय जनता युवा मोर्चाच्या वतीने 26 जानेवारी प्रजासत्ताक दिनानिमित्त भारत मातेच्या पूजनाने पिंपरी-चिंचवड शहरात संघटन पर्व अंतर्गत सदस्य नोंदणी अभियानाला उत्साहपूर्ण प्रारंभ करण्यात आला. यावेळी पिंपरी चिंचवड शहरामध्ये विविध ठिकाणी सदस्य नोंदणी कॅम्प लावण्यात आले.युवा शक्तीला संघटित करण्यासाठी आणि समाजात सकारात्मक बदल घडवण्यासाठी या अभियानाचे आयोजन करण्यात आले आहे.